Me kënaqësi ju njoftojmë për realizimin e një hapësire të rëndësishme për avancimin e aftësive dhe bashkëpunimin ndërkombëtar. datë 24.04.2024 zonja. Lule Isufi Drejtore e Përgjithshme e Institutit te Kosovës për Administrate Publike (IKAP), dhe z. Bardhyl Dobra zv. Ministër i Ministrisë se Punëve të Brendshme, priten në takim z. Nicolas Mainetti Drejtor i Institutit Frankofon të Administratës dhe Menaxhimit dhe zonjën Iva Dikova, Përgjegjëse për projektin Platforma e trajnimit për Evropianët Frankofonë ESFAM – Shkolla e Menaxhmentit të Frankofonisë
Me këtë rast zonja. Lule Isufi dhe drejtori i ESFAM z. Nicolas Mainetti nënshkruan Memorandum Bashkëpunimi, ku u dakorduan për të promovuar aktivitete të përbashkëta, programe trajnimi, për të ndërtuar komunitete praktike në fushën e administratës publike, qeverisjes dhe ngritjes së kapaciteteve. Ky dokument synon të vendosë një bashkëpunim të qëndrueshëm dhe të frytshëm ndërmjet dy institucioneve për zhvillimin e kurseve të gjuhës frënge për shërbyesit civil. Ky është një hap i rëndësishëm për të siguruar një standard të lartë të kompetencave gjuhësore për personelin e administratës publike.
Në takim me drejtorin Nicolas Mainetti dhe zonjën Iva Dikova u diskutua lidhur me Konferencën e Administratës Publike KosovaPAR2024, meqë rast Instituti ESFAM do të jetë pjesëmarrës aktiv përmes një paneli Frankofon.
Takimi dhe nënshkrimi i këtij Memorandumi janë hapa të rëndësishëm drejt përparimit të bashkëpunimit ndërkombëtar dhe avancimit të aftësive profesionale të personelit të administratës publike.
