Instituti i Kosovës për Administratë Publike (IKAP) vazhdon të mbaj trajnimin “Parandalimi dhe zvogëlimi i barrës administrative” , kësaj radhe me zyrtarë nga Qendrat për pune sociale.
Trajnimi organizohet në bashkëpunim me Zyrën për Planifikim Strategjik të Zyrës së Kryeministrit dhe Projektin e GIZ “Mbështetje për proceset e reformës së integrimit në BE të Kosovës”, me bashkëfinancim nga Bashkimi Evropian dhe Ministria Federale Gjermane për Bashkëpunim Ekonomik dhe Zhvillim (BMZ).
Në këtë trajnim trajtohen tema si rigjenerimi i procedurave, reforma e inspektimeve dhe hartimi i politikave për zvogëlimin e barrës administrative, përfshirë edhe dizajnimin e shërbimeve publike sipas Programit për Zvogëlimin e Barrës Administrative 2022-2027. Trajnimi u organizua për 23 zyrtarët e Qendrave për Pune Sociale.
