Më 14 nëntor 2024 IKAP organizoj trajnimin “Higjiena Kibernetike” me pjesëmarrjen e 40 zyrtarëve nga Agjencia e Shërbimeve të Navigacionit Ajror (ASHNA). Trajnimi kishte për qëllim të pajisë pjesëmarrësit me njohuri të avancuara mbi sigurinë kibernetike dhe mbrojtjen e sistemeve dhe rrjeteve të tyre kompjuterike nga kërcënimet kibernetike. Gjatë këtij trajnimi, pjesëmarrësit morën njohuri mbi teknikat e fundit për identifikimin dhe zbutjen e rreziqeve të sigurisë të cilat u prezantuan me shembuj për përmirësimin e higjienës kibernetike në institucionin e tyre. Trajnimi është mbajtur në lokacionet e ASHNA-së.
