Më 6 qershor 2024, në IKAP përfundoi Trajnimi hyrës për nëpunësit e ri civil në SHCK. Trajnimi ishte i përbërë nga gjashtë (6) module njëditore dhe u mbajt më 28, 29 e 30 maj dhe 4, 5 e 6 qershor 2024.
Qëllimi i trajnimit ishte që nëpunësit e ri civil të njoftohen me bazat e rregullimit kushtetues të Republikës së Kosovës, me organizimin dhe funksionimin e administratës shtetërore dhe të Shërbimit Civil të Kosovës, me Kodin e Mirësjelljes dhe çështjet kundër korrupsionit, me organizimin e punës në zyrë (dokumentet dhe arkivi), si dhe me zbatimin e procedurave administrative – për t’i zhvilluar dhe ngritur kapacitetet e tyre profesionale.
Në trajnim morën pjesë 14 nëpunës të ri civil nga Komuna Mitrovicë e Veriut.
Në fund të trajnimit, pjesëmarrësve iu shpërndanë certifikatat për pjesëmarrje në trajnim.
